Nos historia

Agencia Funeraria El Consolador a ser fundá dia 5 di Desèmber 1988 pa Sr. Gilberto Antonio Wilfred Engelhardt (Papi) q.e.p.d.

Nos promé adrès tabata FD Rooseveltweg # 315. Di aki nos tabata ofresé servisio pa regla entiero, hasiendo uso di St. Elisabeth Hospitaal su vrizer- i su salanan. Nos no tabatin nos mes mortuario. Ta na e adrès aki tambe nos a kuminsá ofresé seguro di entiero.

Na Mei 2001, nos a konstruí nos propio edifisio, na Charoweg #2, ku ta mas amplio. Aki nos tin nos mes mortuario i salanan pa belorio.

Segun ku desaroyonan ta bai, na aña 2007, nos a inougurá nos propio Santana kuta karga e nòmber di Parke El Consolador situá na Bonam z/n.

Despues di fayesimentu, dia 29 April 2013, di e fundador i eks-direktor pa 25 aña, su yu muhé, Sra. Solange Li-Engelhardt a bira direktor di e 3 kompanianan. Esta Agensia Funeraria El Consolador, Seguro di Entiero i Parke El Consolador.

El Consolador ta e úniko agensia funerario na korsou ku ta duna servisio den oranan di anochi. Tambe nos ta e úniko Agensia Funerario kaminda bo por dera bo ser kerí despues ku solo baha tambe.

Den nos personal nos tin empleadonan fiho den servisio i algun trahadó lòs, ku ta e Agentenan di seguro, e Beheerder di Parke, Hostess, Shofùrnan i Mètsla.

No ta nada nobo. Na Kòrsou tur hende ta na altura  ku El Consolador ta e Agensia Funerario ku ta tene kuenta ku saku di su klientenan. Nos ta tene konsiderashon den e momentunan difísil ku e kliente ta pasa aden despues di a pèrdè su ser kerí. P’esei ta ku amor i komprendementu El Consolador ta nabo òrdu pa regla tur kos pa su klientenan.